20 jan 12:04
Yangiliklar

Tennis

Australian Open. Xalep Vinusni mag'lub etdi, endi navbat Serenaga!

Xabar berganimizdek, Melburn shahrida tennis bo'yicha “Katta Dubulg'a” turkumiga kiruvchi Avstraliya Ochiq chempionati bo'lib o'tmoqda.

Dunyoning birinchi raketkasi, ruminiyalik Simona Xalep musobaqadagi g'olibona yurishini davom ettiryapti. U uchinchi davrada reytingning 36-pog'onasidan joy olgan amerikalik Vinus Uilyamsni mag'lub etdi.

Bir soatu 17 daqiqa davom etgan uchrashuvda Xalep 6/2, 6/3 hisobidagi oson g'alabaga erishdi. Endi Simona Australian Open turnirining to'rtinchi bosqichida amerikalik Serena Uilyamsga qarshi kortga chiqadi.