Ayollar o'rtasidagi Rim turnirida final yakuniga etmay chempion aniqlandi

Ayollar o'rtasidagi Internazionali BNL d'Italia turnirining hal qiluvchi final uchrashuvida dunyoning ikkinchi raqamli tennis malikasi, ruminiyalik Simona Xalep WTA reytingining to'rtinchi pog'onasidan joy olgan chexiyalik Karolina Plishkovaga qarshi kortga chiqdi. 

Birinchi setda Xalep raqibasiga hech qanday imkoniyat qoldirmadi - 6/0. Ikkinchi setning uchinchi geymidan so'ng Plishkova jarohat sabab bahsni davom ettira olmasligini malum qildi. Bu vaqtda Xalep 2/1 hisobida oldinda borayotgandi. 

SHu tariqa, 32 daqiqa davom etgan final uchrashuvi ikkinchi setning uchinchi geymidan so'ng to'xtatildi. Xalep ortiqcha qiyinchiliksiz Rim turniri bosh sovrinini qo'lga kiritdi. Bu Xalepning ketma-ket qo'lga kiritgan uchinchi sovrini bo'ldi. Bu galgi g'alaba unga 205,190 evro hamda 900 reyting ochkosini keltirdi. Plishkova esa 150,000 evro va 585 ochkoga ega bo'ldi. Xalep Rimda faoliyatidagi 22-tituliga ega chiqdi.