25 apr 12:49
Yangiliklar

Ot Sporti

Azam Toliboev g'oliblik shohsupasiga ko'tarildi FOTOREPORTAJ

Toshkent viloyatining Qibray tumanida joylashgan “Universal jamping agro” ot sporti klubida Jahon kubogining Markaziy Osiyo saralash bahslari hamda Millatlar kubogi bellashuvlari bo'lib o'tmoqda.

To'siqlardan sakrab o'tish bo'yicha o'tayotgan musobaqalarda Germaniya, Polsha, Belarus, Armaniston, Rossiya, Qozog'iston kabi xorijiy davlatlardan kelgan chavandozlar hamda ot sporti bo'yicha mutaxassislar jalb qilinganligi bellashuvlarning naqadar qizg'in va murosasiz o'tayotganligidan dalolat berib turibdi.

Kecha 130 sm. balandlikdagi to'siqlardan oshib o'tish bellashuvida hamyurtimiz Azam Toliboev o'zining “LADY” laqabli otida g'oliblik nashidasini surdi. Keyingi o'rinlar yana bir hamyurtimiz Bahromjon Gaziev (“ETHOS”) va qozog'istonlik chavandoz Nurila Turisbekova (“CLINTARO”) ga nasib etdi.

Xalqaro turnirning barcha g'olib va sovrindorlari bugun malum bo'ladi.