Azarenko Australian Open turnirida qatnashmaydigan bo'ldi

Bu malumot WTA rasmiy saytida ham chop etildi. Uni Avstraliya Ochiq chempionati turniri direktori Kreyg Tili ham tasdiqladi. Belaruslik tennischiga turnir tashkilotchilari wild card, yani asosiy to'rda to'g'ridan-to'g'ri qatnashish huquqini beruvchi imtiyozli yo'llanma taqdim etishgandi.

Azarenkoning bunday qarorga kelishiga o'g'li Leo bilan bog'liq sud jarayonining hali davom etayotgani sabab bo'lgan. Viktoriya aynan mana shu omil tufayli Oklenddagi turnirda ham qatnasha olmagandi. Endi imtiyozli yo'llanma Ayla Tomlyanovichga beriladi. Australian Open turniri 15-28 yanvar kunlari oralig'ida bo'lib o'tadi.