Badminton sportini rivojlantirishga qaratilgan o'quv-seminar tashkil etildi

«Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi Prezident Farmonining ijrosini taminlash maqsadida tashkil etilgan «Sportni sev, sport bilan yasha!» shiori ostidagi festival doirasida fevral oyi Namangan viloyatida «Badminton oyligi» deb elon qilingan.

SHu maqsadda viloyatning Pop tumanida badmintonni rivojlantirish maqsadida O'zbekiston badminton federaciyasining Namangan viloyat bo'limi, Pop tuman jismoniy tarbiya va sport bo'limi tashabbusi bilan tumandagi 8-sonli musiqa maktabi hamda Pop tuman 1- va 2-sonli bolalar-o'smirlar sport maktablari hamkorligida o'quv-seminar mashg'uloti tashkil etildi.

Dastlab seminar ishtirokchilariga badminton federaciyasining Namangan viloyati bo'limi ijrochi direktori Otabek Mo'minov tomonidan o'yin qoidalari haqida nazariy malumotlar berildi. So'ngra sport maydonida badminton qoidalari bo'yicha amaliy mashg'ulotlar hamda viloyatning etakchi sportchilari ishtirokida master-klass o'tkazildi.

Ishtirokchilarni qiziqtirgan savollarga mutaxassislar atroflicha malumot va tushunchalar berishdi. Seminarda Namangan viloyat Jismoniy tarbiya va sport boshqarmasiga qarashli barcha tuman (shahar) jismoniy tarbiya va sport bo'limi boshliqlari, viloyat Xalq talimi tizimidagi maktablarning jismoniy tarbiya fani o'qituvchilari, shuningdek tumanda badminton sporti bilan shug'ullanayotgan o'quvchilar ishtirok etishdi.

Seminar yakunida tumandagi 5ta umumtalim maktablarining Jismoniy tarbiya fani o'qituvchilari Pop tuman 2-sonli bolalar-o'smirlar sport maktabining badminton bo'limiga ishga qabul qilinib, ularga malaka oshirish uchun yo'llanmalar berildi.

Jismoniy tarbiya va sport vazirligi Matbuot xizmati