Bahodir Jalolov Abu-Dabiga jo'nab ketdi + FOTO

Bahodir bilan birga O'zbekiston havaskor boks federaciyasi bosh kotibi Mirshohid Tillaboev, havaskor boks bo'yicha terma jamoamiz bosh murabbiyi To'lqin Qilichev, professional boks menejeri va supervayzeri Baxtiyor Mahkamov, ushbu turnirda ringga chiqadigan yana bir bokschimiz Saidjamshid Jafarovning murabbiyi Hamza Avezov ham Amirliklarga yo'l olgan.

Professional boksda mag'lubiyatsiz odimlayotgan charm qo'lqop ustamiz IBA Pro Series turnirida ishtirok etadi. Bokschimiz ertaga, 11 dekabr kuni asli kelib chiqishi rossiyalik, hozirda Bahrayn sharafini himoya qilayotgan Danis Latipov (1-0)ga qarshi jang ringga ko'tariladi. 

Bahodir Jalolov - Danis Latipov jangi 5 raund etib belgilangan va 5 nafar hakam tomonidan baholanadi. Bokschilar 2020 yilning mart oyida Ammanda o'tkazilgan licenzion turnirda o'zaro to'qnash kelishgan va o'shanda Bahodir ochkolar evaziga g'olib chiqqandi. 

Eslatib o'tamiz, Bahodir Jalolov 27 noyabr kuni AQSHda mezbon Kyortis Xarperga qarshi ringga ko'tarilgan va raqibini 4-raundda nokautga uchratgandi.