Bahromjon Fozilov ham Erevanda ringga ko'tariladi + POSTER

Oqshom doirasida hamyurtimiz Mirzakamol Nematovning kamar himoyasi uchun ringga ko'tarilishi haqida aytib o'tgandik. Ushbu boks kechasida yana bir charm qo'lqop ustamiz Bahromjon Fozilov (9(8)-1-3) ham o'zining navbatdagi jangini o'tkazadi. 

Bokschimiz Janubiy Afrika Respublikasi vakili Nkululeko Mhlongoga qarshi ringga chiqadi. 40 yoshli Mhlongo prof ringda 34 ta jang o'tkazgan bo'lib, 23 g'alabaga erishgan. Raqiblarini 18 ta jangda muddatidan avval mag'lub etgan. Hisobida 10 mag'lubiyat (2 tasi nokaut bilan) va 1 durang bor. So'nggi jangini 29 aprel kuni Jon Bopapega qarshi o'tkazib, mag'lub bo'lgan edi. 

Ayni kunlarda Mirzakamol Nematov va Bahromjon Fozilov Rossiyaning Ekaterinburg shahrida bo'lajak jangiga tayyorgarlikni davom ettirishmoqda.