Bahromjon Fozilovning navbatdagi raqibi va jang sanasi malum bo'ldi

Hamyurtimiz 19 oktyabr kuni Rossiya Federaciyasi, Perm shahrida joylashgan "Universal Sports Palace Molot" arenasida tashkil etiladigan boks oqshomida ringga chiqadi. O'sha kuni Bahromjon Fozilovga rossiyalik 27 yoshli bokschi Pavel Sosulin (7-0-0) raqiblik qiladi.

Musobaqaning markaziy jangida esa engil vazn toifasida rossiyalik taniqli bokschi Albert Batirgaziev (9-0-0) venesuelalik Ender Lyuces (20-0-0) bilan jang qiladi.

Eslatib o'tamiz, 26 yoshli Bahromjon Fozilov so'nggi jangini 17 iyun kuni boshqa bir rus - Vadim Tukovga qarshi o'tkazib, ochkolar hisobiga ko'ra mag'lub bo'lgan edi.