"Barcha qoidani to'g'ri tushunib, vaziyatni to'g'irladi. Magnus Karlsen esa..." - FIDE prezidenti JCHda ro'y bergan holat haqida gapirdi

Nyu-Yorkdagi jahon chempionati vaqtida norvegiyalik grossmeyster dress-kod, yani kiyinish qoidalariga rioya qilmagani uchun ogohlantirildi va 200 dollar jarimaga tortildi. SHundan keyin, undan djinsi shimni almashtirib olishni so'rashdi. 

Karlsen esa buni istamadi va musobaqada qatnashmasligini malum qildi. 

Arkadiy Dvorkovich bu haqida shunday dedi: 

"Biz barcha ishtirokchilarga qoidalar borasida adolatli bo'lishimiz kerak. O'sha kungi o'yinlar vaqtida bosh hakam boshqa o'yinchilarga ham shunday ogohlantirish bergan, ular orasida kamida ikki nafar top-shaxmatchi ham bor edi. Qolgan o'yinchilar qoidalarni hurmat qilgan holda, vaziyatni to'g'irlashdi. Magnus esa principial tarzda buni qilishni istamadi. Agar biz qoidalarni barchaga birdek tatbiq etishni istasak, bosh hakam qarori - yagona to'g'ri qaror edi. 

Bunday bo'lishini istamagandim. Betobligim sababli ushbu musobaqaga bora olmadim. Balki o'sha erda bo'lib, bevosita muloqotga kirishganimda, vaziyatni o'zgartirgan bo'lardim", - dedi Dvorkovich.