“Barkamol avlod-2017”. Natijalar, g'oliblar...

Jizzax politexnika institutida va shu institut qoshidagi akademik liceyida “Barkamol avlod-2017” sport musobaqalarining futbol, voleybol va shaxmat turlari bo'ycha jamoalar o'zaro kuch sinashdilar.

Futbol. Toshkent shahri hamda Farg'ona viloyati jamoalari o'rtasida kechgan murosasiz o'yinda 2:0 hisobida vodiylik yosh futbolchilar g'alaba qozonishdi. Xorazm va Qashqadaryo viloyati jamoalari uchrashuvida qashqadaryolik yosh futbolchilar 5:0 hisobida zafar quchishdi.

Voleybol. Qizlar o'rtasida kechgan bahslarda Xorazm-Andijon hamda Farg'ona-Namangan jamoalari o'zaro kuch sinashdilar. Andijonliklar xorazmlik tengqurlaridan 3:0 hisobida ustunlikka erishgan bo'lsa, namanganlik sportchilar ham farg'onaliklarni 3:0 hisobida mag'lub etishdi.

O'smirlar o'rtasida o'tgan bellashuvda esa qashqadaryolik sportchilar farg'onalik yoshlarni 3:1 hisobida mag'lub etishdi. Navoiy hamda Andijon viloyati jamoalari o'rtasida kechgan bahsda navoiylik yoshlarning qo'li baland keldi.

SHaxmat. Jizzax politexnika instituti qoshidagi 1-Akademik liceyida shveycarcha tizimdagi shaxmat musobaqasining birinchi va ikkinchi tur o'yinlari bo'lib o'tdi.