28 sen 12:10
Yangiliklar
“Barkamol avlod-2019”. Viloyat bosqichida kuchlilar saralanmoqda
O'zbekiston Respublikasi Vazirlar Mahkamasining 2018 yil 25 oktyabrdagi “O'quvchi va talaba yoshlar o'rtasida o'tkaziladigan respublika sport musobaqalari tizimini yanada takomillashtirish to'g'risida”gi 864-sonli hamda Toshkent viloyati xokimining 2018 yil 10 noyabrdagi 883-sonli qarorlarining ijrosini taminlash maqsadida Toshkent viloyati jismoniy tarbiya va sport, viloyat kasb-hunar talimi boshqarmalari hamda O'zbekiston talabalar sporti associaciyasi Toshkent viloyati mintaqaviy bo'limi hamkorligida “Barkamol avlod-2019” sport o'yinlari joriy yilning 10 fevralidan respublika tashkiliy qo'mitasi tomonidan tasdiqlangan nizomga muvofiq bosqichma-bosqich o'tkazilmoqda.
Jumladan, Toshkent viloyatining Quyichirchiq tumanidagi bolalar va o'smirlar sport maktabida “Barkamol avlod-2019” sport o'yinlari dasturidan joy olgan futbol turi bo'yicha viloyat saralash bellashuvlari bo'lib o'tdi. Viloyat bosqichiga etib kelgan Olmaliq shahri, CHirchiq shahri, Bo'ka, CHinoz, O'rtachirchiq hamda Quyichirchiq tumanlaridan oltita jamoa g'oliblik uchun kurash olib borishdi.
Murosasiz va qizg'in o'tgan bahslar yakuniga ko'ra CHinoz tumani futbolchilari faxrli birinchi o'rinni band etishgan bo'lishsa, ikkinchi o'rinni CHirchiq shahri terma jamoasiga nasib etdi. Uchinchi o'rinni Bo'ka tumani yoshlari egallashdi. Musobaqaning tantanali taqdirlash marosimida g'olib va sovrindor jamoalar tashkilotchilar tomonidan diplom, medal va esdalik sovg'alari bilan mukofotlanishdi.
SHuningdek, musobaqada ikkinchi o'rinni egallagan CHirchiq qurilish va kommunal xo'jaligi hamda CHirchiq sanoat kasb-hunar kollejlaridan tashkil topgan terma jamoa “Adolat” SDPning CHirchiq shahar kengashi tomonidan ham munosib taqdirlandi.
Rustam Boboqulov, O'zbekiston talabalar sporti associaciyasi
Toshkent viloyati mintaqaviy bo'lim rais o'rinbosari,
viloyat tashkiliy qo'mita masul kotibi
Ilhom RAHMONOV, o'z muxbirimiz
Fikrlar