Barkamol avlod-2021: bugun respublika final bosqichining ilk musobaqasi start oladi

Bugun, 3 dekabr kuni Qoraqalpog'iston poytaxti Nukus shahrida respublika final bosqichi start oladi. «Barkamol avlod-2021» sport musobaqalarining respublika final bosqichining dastlabki musobaqasida akademik licey va professional talim muassasalari o'quvchi-yoshlari dzyudo bo'yicha eng kuchli ekanliklarini isbotlash uchun kurashga kirishadi.

1-2 dekabr kunlari mamlakatimizning 14 ta hududidan hududiy bosqichlarda o'zini ko'rsatib, respublika bosqichiga yo'l olgan sportchilar Nukusda jam bo'lishdi.

Bugundan musobaqalardagi ishtirokini boshlaydigan ishtirokchilar 3 kun davomida turli vaznlarda g'olib va sovrindorlik uchun bahslashadi.

Eslatib o'tamiz, «Barkamol avlod-2021» dasturidan o'rin olgan keyingi sport turi engil atletika bo'yicha respublika final bosqichi 10-14 dekabr kunlari Jizzax viloyatida bo'lib o'tishi belgilangan.