28 apr 19:59
Yangiliklar

Boshqalar

Kichik Olimpiadaning eng so'nggi musobaqasi g'olibligi mezbonlarga nasib etdi

Teglar : Barkamol avlod

Farg'ona viloyati mezbonlik qilgan o'quvchi-yoshlar o'rtasida stol tennisi bo'yicha Barkamol avlod-2022 sport o'yinlarining respublika final bosqichi o'z yakuniga etdi.

Farg'ona shahridagi «Samo» sport majmuasida bo'lib o'tgan musobaqalar 3 kun davom etdi va ushbu musobaqa o'ziga xos «Kichik Olimpiada»ning eng so'nggisi edi.

Respublikamizning 14 ta hududidan akademik licey va professional talim muassasalarining 100 nafardan ortiq o'quvchi-yoshlari ishtirokida o'tkazilgan musobaqada sportchi yoshlar o'g'il bolalar va qizlar toifasida o'zaro kurash olib bordilar.

Musobaqa yakuniga ko'ra, umumjamoa hisobida Farg'ona viloyati sportchi yoshlari birinchi o'rinni qo'lga kiritishdi. Samarqand viloyati vakillari 2-o'rinni egallagan bo'lsa, musobaqaning 3-o'rini sirdaryolik yoshlarga nasib etdi.