“Barkamol avlod-2022”: Final bosqichidan o'rin olgan ikki musobaqa yakuniga etdi

Sirdaryo viloyati mezbonlik qilgan ushbu musobaqalarda respublikamizning 14 ta hududidan akademik licey va professional talim muassasalari o'quvchi-yoshlari respublika chempionligi uchun kurash olib borishdi.

O'tkir aql sohiblari o'rtasidagi murosasiz bellashuvlarda 200 nafarga yaqin yoshlar ishtirok etishdi va final bahslari yakuniga ko'ra, shaxmat bo'yicha o'tkazilgan musobaqada umumjamoa hisobida Toshkent shahri vakillari 1-o'rinni o'zlariniki qilishdi. Jizzaxlik yoshlar 2-o'rin bilan taqdirlanishgan bo'lsa, faxrli 3-o'rin Buxoro viloyati sportchilariga nasib etdi.

SHashka bo'yicha o'tkazilgan musobaqalarda mezbon Sirdaryo viloyati vakillari eng kuchli ekanliklarini namoyish etishdi. Toshkent shahri terma jamoasiga 2-o'rin nasib etgan bo'lsa, samarqandlik yoshlar 3-o'rin bilan taqdirlanishdi.

Malumot uchun, “Barkamol avlod” sport o'yinlarining respublika final bosqichi doirasida eng so'nggi musobaqa stol tennisi bo'yicha o'tkaziladi.