Barkamol avlod-2022 – yakuniy chempionlik yo'lida eng kuchlilar saralanmoqda

Respublikamizdagi akademik licey va professional talim muassasalari o'quvchi-yoshlari o'rtasidagi musobaqalarda kurash, futbol, dzyudo, engil atletika, voleybol (qizlar alohida, o'g'il bolalar alohida), basketbol (qizlar alohida, o'g'il bolalar alohida), gandbol (qizlar alohida, o'g'il bolalar alohida) sport turlari bo'yicha yakuniy chempionlar nomi allaqachon malum bo'lib ulgurdi.

Malumki, 12 ta sport turidan o'tkaziluvchi ushu sport o'yinlari yakunida 14 ta hududning to'plagan ochkolari hisobiga ko'ra umumjamoa hisobida g'oliblikni qo'lga kiritgan hudud aniqlanadi.

9 ta musobaqadan so'ng jadvalning eng yuqori pog'onasini samarqandlik sportchilar 107 ochko bilan boshqarmoqda. 2-o'rinni Xorazm viloyati sportchilari 103 ochko bilan band etib turgan bo'lsa, farg'onaliklar 96 ochko bilan 3-o'rinda borishmoqda.

SHuningdek, yuqori uchlikka kirish uchun Surxondaryo viloyati terma jamoasi 92 ochko bilan, Qoraqalpog'iston Respublikasi va Jizzax viloyati sportchilari esa bir xil 90 ochkodan jamg'argan holda yaxshi imkoniyatga ega bo'lib turishibdi.

Malumot uchun, «Barkamol avlod» sport o'yinlarining respublika final bosqichi doirasida yana badminton, belbog'li kurash, stol tennisi, shaxmat va shashka sport turlari bo'yicha jami 5 ta musobaqa o'tkaziladi. SHu boisdan ushbu jadvalda hududlar bir necha marta o'zaro o'rin almashishlari mumkin.

Eslatib o'tamiz, final bosqichi yakunida jadvalning yuqori uchligidan o'rin olgan hududlarning sportchi-yoshlariga Prezident sovrinlari topshiriladi.