Barkamol avlod: final bosqichi doirasida Prezident sovrini uchun kurash qizg'in kechmoqda

Ortda qolgan vaqt davomida mazkur musobaqaning final bosqichi dasturidan o'rin olgan 11 ta sport turi bo'yicha musobaqalar bo'lib o'tdi.

Eslatib o'tamiz, akademik licey va professional talim muassasalari o'quvchi-yoshlari o'rtasida o'tkazilayotgan musobaqaning respublika final bosqichi doirasida basketbol, voleybol, gandbol, futbol, dzyudo, kurash, engil atletika va badminton sport turlari bo'yicha musobaqalarda g'olib sovrindorlar allaqachon aniqlandi.

Hammamizga malumki, 12 ta sport turidan o'tkaziluvchi «Barkamol avlod» sport o'yinlarining respublika final bosqichi yakunida 14 ta hududning har bir musobaqa davomida to'plagan ochkolari hisobiga ko'ra umumjamoa hisobida g'oliblikni qo'lga kiritgan hudud aniqlanadi.

O'tkazilgan 11 ta musobaqadan so'ng, yakuniy jadvalni samarqandlik sportchilar 123 ochko bilan boshqarib turishibdi. Sababi ular basketbol, gandbol, kurash, dzyudo, voleybol va badminton sport turlaridan o'tkazilgan musobaqalarda umumjamoa hisobida 1 marta chempionlikni, 2 marta 2-o'rinni va 4 marta 3-o'rinni qo'lga kiritishdi.

Jadvalning ikkinchi o'rinida 116 ochko bilan Xorazm viloyati vakillari joy olgan. Etiborlisi, ular biror marta ham musobaqani umumjamoa hisobida 1-o'rinda yakunlamagan, lekin xorazmliklar o'tkazilgan 5 ta musobaqada 3 marta ikkinchi, 2 marta uchinchi va yana 2 marta to'rtinchi o'rinlarni egallaganliklari uchun to'plagan ochkolari salmoqli ko'rinishga ega.

Jadvalning uchinchi o'rinini farg'onalik o'quvchi-yoshlar band etishgan. 101 ochko jamg'argan vodiyliklar voleybol bo'yicha o'tkazilgan har ikki musobaqada chempionlikni tantana qilishgan, shuningdek, ular yana ikki martadan ikkinchi va uchini o'rin bilan taqdirlanishgan.

«Barkamol avlod» sport o'yinlarining respublika final bosqichi yakuniga qadar yana 4 ta musobaqa o'tkaziladi. SHu boisdan ushbu jadvalda hududlar bir necha marta o'zaro o'rin almashishlari mumkin.

Eslatib o'tamiz, final bosqichi yakunida jadvalning yuqori uchligidan o'rin olgan hududlarning sportchi-yoshlariga Prezident sovrini topshiriladi.