08 iyu 21:04
Yangiliklar
Tennis
Barti “Rolan Garros” g'olibasi va 2 mln 200 000 € sohibasi!
Franciya poytaxti Parij shahrida o'tkazilayotgan “Katta Dubulg'a” turkumiga kiruvchi “Rolan Garros” turnirining ayollar o'rtasidagi musobaqa g'olibasi aniqlandi.
Hal qiluvchi final uchrashuvida dunyoning sakkizinchi raketkasi Eshli Barti reytingning 38-pog'onasidan joy olgan chexiyalik Marketa Vondroushovaga qarshi kortga chiqdi. Bir soatu 11 daqiqa davom etgan uchrashuvda avstraliyalik 23 yoshli Barti 19 yoshli raqibasini 6/1, 6/3 hisobida taslim etdi.
Ikki tennischi o'rtasidagi o'zaro uchrashuvlar hisobi yanada yiriklashdi - 3:0. Barti ilk bor “Katta Dubulg'a” turnirida bosh sovrin sohibasiga aylandi. Eshli beshinchi WTA turnirida chempion bo'ldi.
“Rolan Garros”dagi muvaffaqiyatli ishtirok Bartiga 2000 reyting ochkosi hamda 2 million 300 000 evro mukofot pulini taqdim etdi. Vondroushova esa 1300 ochko va 1 million 180 000 evroga ega bo'ldi.
Havola :
Fikrlar