Basketbol bo'yicha Evropa birinchiligi 2021 yildan 2022 yilga ko'chirildi

Videokonferenciyada basketbol bo'yicha Evropa chempionati – “Evrobasket-2021” musobaqalari muddatini ko'chirish to'g'risida qaror qabul qilindi. Bu galgi “Evrobasket-2021” Germaniya, Gruziya, CHexiya va Italiyada 2021 yil 2-9 sentyabrda o'tkazilishi belgilangan edi. “Tokio-2020” Olimpiya o'yinlari 2020 yildan 2021 yilga ko'chirilganligi munosabati bilan basketbol bo'yicha Evropa chempionati endi 2022 yil 1-18 sentyabrda o'tkaziladigan bo'ldi.

Basketbol bo'yicha Evropa chempionati – to'rt yilda bir marta FIBA shafeligida Evropaning erkaklar terma jamoalari o'rtasida o'tkaziladigan xalqaro turnirdir. Bu turnir birinchi marta 1935 yilda SHveycariyada o'tkazilgan. “Evrobasket”ning amaldagi chempioni Sloveniya terma jamoasi hisoblanadi. Ushbu chempionlik kubogi FIBA Basketbol shon-shuhrat zali azosi, FIBA vice-prezidenti bo'lgan Nikolay Semashko nomi bilan ataladi.

Basketbol bo'yicha Evropa chempionatining saralash musobaqalari qitaning 41 ta milliy terma jamoalari o'rtasida o'tkaziladi. Saralash o'yinlarining har bir bosqichida turli miqdordagi terma jamoalar ishtirok etadi. Bunda guruhdagi har bir jamoa o'z raqiblariga qarshi ikki marta – uyida va mehmonda kurash olib boradi. Natijada ular orasidan eng kuchli 24 terma jamoasi Evropa chempioni unvoni uchun kurash olib boradi.

Eslatib o'tamiz, basketbol bo'yicha Evropa chempionatining saralash musobaqlari 2017 yil 23 noyabrda boshlangan va 2021 yil 23 fevralda nihoyasiga etishi kerak edi.