Baydarka va kanoeda eshkak eshish. O'zbekiston Kubogining ikkinchi bosqichi start olmoqda

Bellashuvlarda Qoraqalpog'iston Respublikasi, viloyatlar, Toshkent shahri terma jamoalari, sport maktablari va muassasalar, sport kollejlari vakillari ishtirok etadilar.

Erkaklar o'rtasida 200, 500, 1000 metr masofalarga bahslar tashkil qilinadi. Unda sportchilar K-1, K-2, S-1, S-2 qayiqlarida kuch sinashadilar. K-4, S-4 qayiqlardagi bellashuvlar esa 1000 va 200 metr masofalarga o'tkaziladi.

Ayollar o'rtasidagi musobaqalar esa K-1, K-2 qayiqlarida 200, 500, 1000 metr masofalarga bo'lib o'tadi. K-4, S-1, S-2 qayiqlarida esa 200 va 500 metr masofaga bellashuvlar tashkil qilinadi.

Respublika Kubogi doirasida parakanoe musobaqalari ham rejalashtirilgan. Bu yo'nalishda ayollar KL-2, KL-3 qayiqlarida 200 metr masofaga o'zaro bahslashadilar. Erkaklar esa K-1 va S-1 qayiqlarida xuddi shunday masofada kurash olib boradilar. Musobaqa 16 sentyabrga qadar davom etadi.