Bekobodda futbol musobaqasi

Musobaqada o'quvchi yoshlar bor mahoratlarini namoyish etib g'oliblik uchun bellashdilar. Ushbu musobaqada G'ayrat Islomov boshchiligidagi Bekobod tumani bolalar-o'smirlar sport maktabi jamoasi birinchi o'rinni egalladi. Azamat Qo'yliboev qo'l ostidagi futbolchilar ikkinchi, "Guliston" MFY jamoasi esa uchinchi o'rinni qo'lga kiritishdi.

Mana shunday sport musobaqalari bugungi o'quvchi yoshlar orasidan kelajakda katta sport maydonlarida yuqori marralarni egallaydigan sportchilar etishib chiqishiga xizmat qilayotgani quvonarlidir. Bellashuvlarda BO'SM murabbiylari hakamlik qilishdi. Bahslar yakunida g'olib va sovrindorlar BO'SM rahbariyati tomonidan tegishli diplom va esdalik sovg'alar bilan taqdirlandilar.