Belarus kubogi. "Energetik-BGU" qo'shimcha daqiqalarda urilgan gol evaziga keyingi bosqichga yo'l oldi, Abdixoliqovdan gol+pas

Mazkur bahsni mehmonlar safida to'rt nafar o'zbekistonlik futbolchidan uchtasi asosiy tarkibda o'yinni boshlashdi — Abdixoliqov, Jumaqulov va Xusanov. Abdurahmonov esa ikkinchi bo'lim boshida Jumaqulov o'rniga maydonga tushdi hamda ikkinchi golga assistlik qildi. Qayd etish joiz, Jumaqulov birinchi bo'limning 24-daqiqasida ogohlantirilishga ham ulgurdi. 

Uchrashuvdagi dastlabki gol uzoq kutildi. 88-daqiqada o'zbekistonlik hujumchi Bobir Abdixoliqov mehmonlarni oldinga olib chiqdi, biroq hakam tomonidan qo'shib berilgan daqiqalarda mezbonlar hisobni tenglashtirdi. 

Qo'shimcha bo'limlar davom etayotgan bir pallada Grishenko muhim gol urib, jamoasini oldinga olib chiqdi, 116-daqiqada esa dublga erishib, hisobni ishonchli ko'rinishga keltirib qo'ydi. So'nggi golga ham aynan Abdixoliqov golli uzatmani amalga oshirdi. SHu tariqa, hamyurtlarimiz to'p tepadigan "Energetik-BGU" klubi musobaqaning 1/8 finaliga yo'llanmani qo'lga kiritdi.

"Baranovichi" — "Energetik-BGU" 1:3

Gollar: Abduxoliqov, 88 (0:1), Kipra, 90+1 (1:1), Grishenko, 103 (1:2), Grishenko, 116 (1:3)