Belgian Open-2023. O'zbekiston taekvondo terma jamoasi birinchi o'rinda

Malum qilganimizdek, unda O'zbekiston terma jamoasining 8 nafar vakili medallar uchun kurash olib bordi.

Quvonarlisi ularning 6 nafari sovrindor bo'ldi. Ulug'bek Rashitov, SHuhrat Salaev va Niyaz Po'latov barcha raqiblarini mag'lub etib, oltin medalini qo'lga kiritishdi. Feruza Sadikova kumush, Madinabonu Mannopova hamda Nikita Rafalovich esa bronza medaliga ega chiqishdi. 

Takidlash lozimki, O'zbekistondan boshqa hech bir davlat sportchilari 3ta oltin medalni qo'lga kirita olmadi hamda dunyoning 70 ta mamlakatidan kelgan eng sara taekvondochilar orasida O'zbekiston birinchi o'rinni egalladi.

O'z navbatida sportchilarimiz Parij-2024 yo'lida navbatdagi qimmatli ochkolarni qo'lga kiritishdi.

"Belgian Open-2023" sovrindorlari: 

Oltin - SHuhrat Salaev, Ulug'bek Rashitov, Niyaz Po'latov

Kumush - Feruza Sadikova

Bronza - Madinabonu Mannopova, Nikita Rafalovich