“Besh tashabbus olimpiadasi”: CHirchiqda engil atletika bo'yicha Respublika bosqichi bahslari o'tkazilyapti

Joriy yilning aprel oyidan boshlangan “Besh tashabbus olimpiadasi” doirasida mahallalarda istiqomat qiluvchi yoshlar o'rtasida sportning engil atletika, voleybol, stritbol, stol tennisi, shashka va Workout turlari bo'yicha Respublika final bosqichlari barcha hududlarda ko'tarinki ruhda bo'lib o'tmoqda.

Jumladan, engil atletika bo'yicha qizlar o'rtasidagi “B” va “C” liga musobaqalariga Toshkent viloyati mezbonlik qilmoqda.

CHirchiq shahridagi O'zbekiston davlat jismoniy tarbiya va sport universiteti manejida musobaqaning ochilish marosimi bo'lib o'tdi. Tadbirda Sportni rivojlantirish vaziri o'rinbosari Abdulla Aslonov, CHirchiq shahar hokimi Davron Hidoyatov ishtirok etib, bo'lajak musobaqa qatnashchilariga omad tilashdi.

Musobaqalarga Sportni rivojlantirish vaziri Adxam Ikramov ham tashrif buyurib, ishtirokchilar bilan dildan suhbatlashdi.

Takidlash kerak, Toshkent viloyatida 3 ta yosh toifasida (16-21, 22-26, 27-30) engil atletika bo'yicha qizlar o'rtasidagi Respublika bosqichi musobaqalari ko'tarinki ruhda tashkil etilgan.

Malumot uchun, engil atletika musobaqasida umumiy hisobda 500 nafardan ziyod ishtirokchilar qatnashmoqda.