Biatlondagi mojaro: Furkad sportchini yiqitdi, rossiyaliklar esa u bilan so'rashmadilar

Musobaqa boshlandi. Boshlanganda ham mojarolar bilan boshlandi. Bularning barchasi qanday sodir bo'ldi? Keling, bir boshidan ko'rib chiqamiz.

1. Franciyalik Marten Furkad rossiyalik sportchi Aleksandr Loginovni yiqitdi



Videoga etibor bergan bo'lsangiz, ushbu hodisa estafeta almashish vaqtida ro'y bergan. Marten estafetani berishi lozim bo'lgan sherigiga umuman etibor bermayapti. U asosiy etiborini "jabrlanuvchi" - Loginovga qaratgan. U atrofdagilarga sezdirmay rossiyalik sportchini yiqitib ketadi. Loginov yiqiladi. Marten esa hattoki uzr so'ramay o'z yo'lida davom etadi.

To'g'ri, Furkad Loginovni itarib yuborgani yo'q, oyog'iga ham tepmadi. U juda ham ayyorlik bilan raqibini yiqitdi. Malum bo'lishicha, u keyinchalik mikst-zonada efirdan tashqarida ushbu ishi uchun kechirim so'ragan.

Loginov: "Ketayotgandim. Estafetani topshirdim. Hech kimga tekkanim yo'q. Ataylabmi yoki yo'qmi? Buni takroriy vaziyatda ko'rish lozim. Hech kim bilan so'z urushi qilmoqchi emasman. O'zini qanday tutish, insonni o'ziga bog'liq".



SHipulin (Rossiyalik sportchi): Furkadga bo'lgan hurmatim yo'qoldi. Uni sportchi sifatida juda qadrlayman. Biroq, insoniy tomonlama olib qaraydigan bo'lsak, u yaxshi ish qilmadi. U ataylab Loginovni yiqitdi. Trassada Furkadning o'zini tutishidan buni bilib olsa bo'lardi".

2. Rossiyaliklar Furkadni qo'lini siqib ham qo'yishmadi, u esa marosimdan ketib qoldi

Sportchilar sovrinli o'rinlarni egalladilar. Loginov va SHipulin sovrindor bo'lgan barcha sportchilarni tabriklab chiqishdi. Albatta, Furkaddan tashqari. Hattoki, uning qo'lini siqib ham qo'yishmadi. Ular ham chiroyli ish qilganlari yo'q...



O'z o'rnida franciyalik sportchi qarsak chalib qo'ydi va... shohsupani tark etdi. Faqatgina tashkilotchilar va IBU prezidenti Anders Besseberglargina uni ortga qaytara oldilar.

Keyinchalik ushbu voqealarga Furkad quyidagicha munosabat bildirdi: "Rossiyalik yigitlar men bilan so'rashishni istamadilar. Bu men uchun syurpriz bo'ldi. Antonning aytishicha, bunga estafeta vaqtidagi voqea sabab bo'libdi. Ammo, men Loginovni itarib yubormadim. Barcha tushunsa kerak, men bunday harakat bilan jamoamni diskvalifikaciyaga olib keluvchi ishni amalga oshirmayman. Agar u meni deb yiqilib tushgan bo'lsa, kechirim so'rayman.

Loginovni qo'lini siqib qo'yishni istagandim. Biroq, u buni istamadi".