Billie Jean King Cup. O'zbekiston Guamni yirik hisobda mag'lub etdi

Bugun "Billie Jean King Cup" musobaqasi "Asia/Oceania Group II" bosqich o'yinlari doirasida O'zbekiston terma jamoasi Guam termasiga qarshi kortga chiqdi. "A" guruhidagi dastlabki uchrashuvda Ominaxon Valixanova Sidney Pakkbierni 6:2 6:0 hisobida mag'lubiyatga uchratdi, ikkinchi o'yinda esa Akgul Amanmuradova Fremont Gibdonni 6:0, 6:0 hisobida taslim etdi. Jamoalarning uchinchi uchrashuvida Nasiba Espolova/ Aliya Musabekova juftligi Fremont Gibson/Sidney Pakkbier tandemidan 6:1, 6:3 hisobida ustun keldi. SHu tariqa, terma jamoamiz Guam ustidan 3:0 hisobida g'alaba qozondi.