Bilol Erdogan boshchiligidagi delegaciya O'zbekistonga keldi

Bugun Butunjahon etnosport konfederaciyasi rahbari, Kamonchilar fondi vasiylik kengashi raisi, Turkiya yoshlar fondi Oliy maslahat kengashi azosi Bilol Erdogan va “Turkiya-O'zbekiston” parlamentlararo do'stlik guruhi raisi, Turkiya Buyuk Millati Majlisi azosi Haydar Ali Yildiz boshchiligidagi katta delegaciya Toshkent shahriga etib keldi.

Mehmonlarni Islom Karimov nomidagi Toshkent xalqaro aeroportida O'zbekiston Milliy olimpiya qo'mitasi Prezidenti Umid Ahmadjonov, O'zbekiston Jismoniy tarbiya va sport vaziri SHoakram Isroilov, Turkiyaning O'zbekistondagi favqulotda va muxtor elchisi Ahmad Bashar SHenlar kutib olishdi.

Turkiya delegaciyasining yurtimizga tashrifidan maqsad o'zaro hamkorlik aloqalarini yanada mustahkamlash, ularni yangi bosqichga olib chiqish, shuningdek kamondan o'q otish bo'yicha o'tkaziladigan «Fotih Kubogi» xalqaro turniriga bag'ishlangan konferenciyada ishtirok etishdan iborat.

Mehmonlar MOQ Prezidenti va O'FA birinchi vice-prezidenti Umid Ahmadjonov hamda Jismoniy tarbiya va sport vaziri SHoakrom Isroilovlar hamrohligida Toshkentning diqqatga sazovor joylarini borib tomosha qildilar. Ular «Xalqlar do'stligi» maydoni, Islom Karimov nomidagi ilmiy-marifiy yodgorlik majmuasi hamda Amir Temur hiyoboniga tashrif buyurishdi.

SHundan so'ng, Toshkent vokzalidan “Afrosiyob” tezyurar poezidida Samarqand shahriga jo'nab ketishdi. Mehmonlar bugun jahonga mashhur «Registon» maydonida o'tkaziladigan kamondan o'q otish sport turi bo'yicha «Fotih kubogi» xalqaro turniriga bag'ishlangan konferenciyada ishtirok etishadi.

SHuningdek, Samarqandga tashriflari davomida delegaciya azolari shaharning diqqatga sazovor joylari va tarixiy obidalarini ko'zdan kechirishadi.