Birinchi Rustam Qosimjonov turnirida g'olib va sovrindorlar malum

Xabar berganimizdek, kuchli grossmeysterlar jam bo'lgan "Masters" guruhida hamyurtimiz Javohir Sindarov bosh sovrinni qo'lga kiritgan edi. Olimpiada chempioni 9 imkoniyatdan 6,5 ochko jamg'arishga muvaffaq bo'ldi. So'nggi turda Jahongir Vohidovni mag'lubiyatga uchratgan eronlik Parham Magsudlu 6 ochko bilan ikkinchi o'rinni egalladi. Yana bir hamyurtimiz SHamsiddin Vohidov esa sovrinli uchinchi o'rinni band etdi. 

Bugun kutilmaganda 4 ta bahsning 3 tasida mag'lubiyatga uchragan Nodirbek Abdusattorov 4,5 ochko bilan 5-o'rin bilan kifoyalandi. To'rtinchi pog'onaga joylashgan rossiyalik Aleksandr Grishuk hamda 6-o'rindagi ozarbayjonlik SHaxriyar Mamediyarovda ham 4,5 ochko bor. Turnir asoschisi Rustam Qosimjonov 3,5 ochko bilan 8-o'rindan joy oldi. 

So'nggi 9-tur natijalari

"Masters" guruhi

SHahriyar Mamediyarov (Ozarbayjon, 2703) - SHamsiddin Vohidov (O'zbekiston, 2514) 1/2-1/2

Jahongir Vohidov (O'zbekiston, 2513) - Parham Magsudlu (Eron, 2660) 0-1

Javohir Sindarov (O'zbekiston, 2578) - Jorden Van Forest (Niderlandiya, 2682) 1/2-1/2

Aleksandr Grishuk (FIDE, 2731) - Rustam Qosimjonov (O'zbekiston, 2662) 1/2-1/2

Nodirbek Yakubboev (O'zbekiston, 2577) - Nodirbek Abdusattorov (O'zbekiston, 2714) 1/2-1/2

"CHellenjers" guruhida esa serbiyalik Aleksandr Idjich 6,5 ochko bilan Rustam Qosimjonov xalqaro turniri g'olibiga aylandi. Hamyurtimiz Ortiq Nig'matov 6,5 ochko bilan qo'shimcha koefficentlarga ko'ra ikkinchi o'rinni egalladi. Sovrinli uchinchi o'rin "CHellenjers" turnirida birinchi tartib raqamda tasniflangan armanistonlik Gabriel Sargissyanga nasib etdi.

"CHellenjers" guruhi

Gabriel Sargissyan (Armaniston, 2628) - Aleksandr Indjich (Serbiya, 2543) 1/2-1/2

Vahap Sanal (Turkiya, 2548) - Humoyun Begmuratov (O'zbekiston, 2228) 1-0

Abdumalik Abdusalimov (O'zbekiston, 2333) - Aleksandr Donchenko (Germaniya, 2590) 0-1

Saidakbar Saydaliev (O'zbekiston, 2276) - Muhammadali Abdurahmonov (O'zbekiston, 2237) 1-0

Akmal Fayzullaev (O'zbekiston, 2311) - Ortiq Nig'matov (O'zbekiston, 2344) 0-1