18 mar 07:21
Yangiliklar

Tennis

BNP Paribas Open. Federer finalda Timga yutqazib qo'ydi

AQSHning Indian-Uells shahri mezbonlik qilgan “Masters” seriyasiga kiruvchi turnir dunyoning sakkizinchi raketkasi Dominik Timning g'alabasi bilan yakunlandi.

Avstriyalik tennischi hal qiluvchi final uchrashuvida sayyoramizning to'rtinchi raketkasi 37 yoshli Rojer Federerni 3/6, 6/3, 7/5 hisobida mag'lub etib, bosh mukofotni boshi uzra baland ko'tardi. Final bahsi 2 soatu 2 daqiqa davom etdi.

Bu 25 yoshli Timning “Masters” turkumiga kiruvchi turnirlardagi ilk sovrini bo'ldi. BNP Paribas Open turniridagi muvaffaqiyatli ishtirok Timga 1000 reyting ochkosi hamda 1 million 354 010 AQSH dollari miqdoridagi mukofot pulini taqdim etdi.