BNP Paribas Open juftlik bahslarida chempionlar aniqlandi

Musobaqaning juftlik bahslarida chempionlar aniqlandi. Unda salvadorlik Marselo Arevalo va xorvatiyalik Mate Pavich juftligi bosh sovrinni qo'lga kiritdi. Ular hal qiluvchi final bahsida amerikalik Sebastyan Korda hamda avstraliyalik Jordan Tompsonni 6/3, 6/4 hisobida mag'lub etishdi.

Etmish ikki daqiqa davom etgan uchrashuvda Arevalo/Pavich juftligi 4 ta eys, 2 ta breyk qayd etib, 2 ta qo'shxatoga yo'l qo'ydi. CHempionlar 457,150 AQSH dollari miqdorida mukofot puli hamda 1000 reyting ochkosi ishlab olishdi. Korda va Tompson esa o'z hamyonlarini 242,020 dollarga boyitib olish barobarida 600 reyting ochkosiga ham ega chiqishdi.