BNP Paribas Open. Svyontek 1/4 final ishtirokchisiga aylandi

Sayyoramizning birinchi raqamli tennis malikasi Iga Svyontek ortiqcha qiyinchiliksiz musobaqaning 1/4 finaliga yo'l oldi. Polshalik tennischi to'rtinchi davrada WTA reytingida 79-pog'onada borayotgan qozog'istonlik Yuliya Putincevaga uchta geym berdi, xolos - 6/1, 6/2.

Tennischilarning o'zaro uchrashuvlaridagi hisob 3:0 ko'rinishiga keldi. Etmish ikki daqiqa davom etgan bahsda Svyontek 1 ta eys va 6 ta breykni amalga oshirib, 1 ta qo'shxatoga yo'l qo'ydi. Endi u WTA 1000 turniri 1/4 finalida daniyalik Karolin Voznyackiga qarshi kortga chiqadi.