Bochcha bo'yicha ilk marta o'tkazilgan O'zbekiston chempionati yakunlandi

Toshkent shahrida bochcha sport turi bo'yicha O'zbekiston ochiq chempionati bo'lib o'tdi. Ushbu musobaqada yurtimizning turli xududlaridan jami 30 nafarga yaqin jismoniy imkoniyati cheklangan va nogironligi bo'lgan sportchilar ishtirok etdi.

Ushbu musobaqa yurtimizda yangi rivojlanayotgan sport turlaridan biri hisoblangan bochcha bo'yicha birinchi O'zbekiston chempionati sifatida tarixga kirdi. Unda quyidagi sportchilar g'olib va sovrindorlar qatoridan joy oldi:

BC1 (erkaklar)

1.Husan Rasulov

2.Hasan Toshpo'latov

3.Og'abek Egamberdiev

BC1 (ayollar)

1.Munira Abdullaeva

2.Saodat Sultonova

3.Dilafruz Ergashboeva

BC2 (erkaklar)

1.Nizom Hayriddinov

2.Jasur Xodjaev

3.Anton Nedvig

BC2 (ayollar)

1.Tursunoy Bebitova

2.Rayhona Toshmatova

3.Dinnura Abdukabirova

Musobaqaning taqdirlash marosimida O'zbekiston Milliy paralimpiya qo'mitasi raisi Muxtorxon Tashxodjaev ishtirok etdi va barcha sportchilarni samimiy tabriklab, ularni kelajakda nufuzli musobaqalarda yurtimiz sharafini munosib himoya qilishga chorladi.

Musobaqa g'olib va sovrindorlari tashkilotchilar tomonidan medal, maxsus diplom va esdalik sovg'alari bilan taqdirlandi. 

Takidlash kerakki, ushbu O'zbekiston ochiq chempionati kelajakda bochcha sport turi bo'yicha O'zbekiston terma jamoasiga azo va nomzod sportchilarni saralab olishda muhim ahamiyat kasb etadi.