Bolalar shaxmat festivali g'oliblari aniqlandi

Unda ellikka yaqin o'g'il-qiz g'oliblik uchun bahslashdi.

O'zbekiston shaxmat federaciyasi tomonidan tashkil etilgan festivalning mazkur bosqichida har bir yosh guruhida birinchi va ikkinchi o'rinni egallagan shaxmatchilar dekabr oyida o'tadigan yarim final bosqichida qatnashish huquqiga ega bo'ladi.

Musobaqaning 8 yoshgacha qizlar bahsida Afro'zabonu Ro'zimatova etti imkoniyatdan etti ochqo jamg'arib, birinchi o'rinni egalladi. Mubina Rashidova ikkinchi, Habiba Abdumo'minova uchinchi bo'ldi. O'g'il bolalar o'rtasida Alisher Umrzoqov oltin, Umarjon Bahodirov kumush va SHohrux To'ychiev bronza medal bilan taqdirlandi.

O'n yoshgacha o'g'il-qizlar o'rtasida Komila Asomiddinova, Sabina Yo'ldosheva, Muzaffar Tojiboev, Mirabror Mirpo'latov, Mirmahmud Ilyosov g'olib va sovrindorlar qatoridan joy oldi.

O'n ikki va o'n to'rt yoshgacha o'g'il bolalar bahsida Sohibjon Elmurodov, Asadbek Boboqulov, Abrorbek Abdujabborov, Dovud Sulaymonov, Elbek Sulaymonov va Hojiakbar Odilov sovrinli o'rinlarni egalladi.