Bosh sovrin “SPARK” avtomashinasi bo'lgan onlayn shaxmat musobaqasi avjida

«Uyda qol va g'alaba qozon!» shiori ostida o'tayotgan musobaqaning shu kungacha uchta saralash bosqichi yakuniga etib, natijalarga ko'ra 300 nafar havaskor shaxmatchi joriy yil 20 dekabr kuni Toshkentda o'tkaziladigan GRAND FINAL yo'llanmasini qo'lga kiritib ulgurishdi.

SHu kunlarda esa shaxmat bo'yicha onlayn O'zbekiston musobaqasining 4-tur bahslari qizg'in davom etmoqda. Musobaqada ishtirok etishni istagan yurtdoshlarimiz hoziroq ro'yxatdan o'tib, bahslarga qo'shilishi hamda omadi chopsa, eng kuchli shaxmatchilar qatorida GRAND FINAL ishtirokchisiga aylanishlari mumkin. SHunday ekan, imkoniyatni qo'ldan bermang. Darhol ro'yxatdan o'ting, shaxmat o'ynang va GRAND FINAL ishtirokchisiga aylaning!

Eslatib o'tamiz, shaxmat bo'yicha onlayn O'zbekiston musobaqasining mutloq g'olibi “SPARK” avtomobilini qo'lga kiritadi.