Bosh vazir o'rinbosari Namangan viloyatidagi sport obektlarini ko'zdan kechirdi

Tashrifdan ko'zlangan maqsad – avval qo'yilgan vazifalar ijrosi bilan tanishish, mahallalardagi sharoitni o'rganish, aholini o'ylantirayotgan muammolardan kelib chiqib, navbatdagi rejalarni belgilash.

Davlatimiz rahbari bilan birga hukumat azolari, jumladan, O'zbekiston Respublikasi bosh vaziri o'rinbosari Aziz Abduxakimov ham ayni vaqtda Namangan viloyatida bo'lib turibdi.

Bugun bosh vazir o'rinbosari A.Abduhakimov Jismoniy tarbiya va sport vaziri o'rinbosari Avaz Karimov hamda Namangan viloyat hokimining turizm va sport ishlari bo'yicha maslahatchisi Botir Nuritdinovlar hamrohligida Namangan viloyatidagi bir qator sport obektlari hamda Namangan shahrida turizmni rivojlantirish yo'lida amalga oshirilayotgan qurilish-bunyodkorlik ishlari bilan yaqindan tanishdi.

Xususan, mehmonlar Namangan shahar Davlatabod tuman 1-sonli bolalar va o'smirlar sport maktabining yangidan barpo etilayotgan inshooti, Badminton markazi, «Navbahor» Markaziy stadioni hamda Namangan viloyat futbol mahorat maktabining rekonstrukciya qilinib, zamon talablari darajasida tamirlangan obekti, qolaversa «Afsonalar vodiysi bog'i» er maydonidagi masjidning qurilishi va shahar markazida barpo etilgan velosiped yo'lakchalari, umuman «Salomatlik yo'laklari»ni ko'zdan kechirdi.

SHuningdek, Aziz Abduxakimov mavjud sport inshootlarining samaradorligini oshirish, ularda doimiy ravishda yoshlar va mahalla aholisi sport bilan shug'ullanishini taminlash, «Salomatlik yo'laklari»dan maksimal darajada foydalanish kabi masalalarda o'z taklif va tavsiyalarini berdi.