03 noy 08:47
Yangiliklar

Boks/MMA

Botir Ahmedov ikki haftadan keyin Saudiyada ringga chiqadi

Teglar : Botir Ahmedov

Birinchi yarimo'rta vazn toifasida o'z janglarini o'tkazib kelayotgan hamyurtimiz Botir Ahmedovning navbatdagi jangi elon qilindi.

Bir necha bor chempionlik kamarlari uchun jang o'tkazgan charm qo'lqop ustamiz 16 noyabr kuni Saudiya Arabistonining Ar-Riyod shahrida tashkil etiladigan prof boks oqshomida ringga chiqadi.

Etiborlisi, bu jangi ham WBA kamari uchun Eliminator maqomida bo'ladi. O'n ikki raundlik jangda unga meksikalik Oskar Duarte raqiblik qiladi.

Malumot uchun, Botir Ahmedov so'nggi jangini 2023 yilning noyabr oyida Rossiyaning Sochi shahrida yana bir hamyurtimiz Muhammadsalim Sotvoldievga qarshi o'tkazib, g'alaba qozongandi. Duarte esa shu yilning aprelida amerikalik sobiq jahon chempioni Jozef Diasni to'qqizinchi raundda nokautga uchratgan edi.