Brestdan qaytgan parakanoechilarimizning yig'ini Toshkent dengizida davom ettiriladi

Bu haqida O'zbekiston paralimpiya associaciyasi matbuot xizmati xabar bermoqda. Aziz Abdulhabibov, SHahnoza Mirzaeva, Hayitmurod SHerqo'ziev va Hasan Qo'ldoshev murabbiylar Eldor Yaxshibaev va Artyom Karmeev qo'l ostida Belarusda mashg'ulot olib bordilar. Brest shahrida bo'lib o'tgan yig'in davomida murabbiylar shtabi sportchilarning jismoniy tayyorgarligiga urg'u berishdi.

Rejaga asosan navbatdagi mashg'ulotlar 3 fevlar kuni Toshkent dengizida start oladi. SHuningdek, terma jamoamiz safiga Pavel Sulaymonov va Olimjon Solijonov ham qo'shiladi. 20 fevralga qadar davom etadigan yig'in 6 nafar parakanoechilarimiz oldinda turgan nufuzli xalqaro musobaqalarga tayyorgarlikni davom ettiradilar.

Malumot o'rnida, hamyurtlarimiz shu yilning 20-26 mart kunlari Tailandda Parakanoe bo'yicha Osiyo chempionatida ishtirok etishadi. May oyida esa ularni Germaniyada o'tadigan Jahon chempionati kutib turibdi. Tokio-2020 oldidan eng so'nggi musobaqaga 25-28 may kunlari Duysburg shahri mezbonlik qiladi.