Bu qiziq! Germaniya himoyachisi Ryudiger SHotlandiyaning Evrolar tarixidagi to'purarlaridan biriga aylandi

Ochilish o'yinida mezbon Germaniya SHotlandiyaga qarshi bahs olib bordi.

Unda nemislar 5:1 hisobidagi yirik g'alabani qo'lga kiritishdi. Ana shu uchrashuvda SHotlandiyaning yagona golini Germaniya markaziy himoyachisi Antonio Ryudiger 87-daqiqada kiritdi. Ushbu avtogoldan keyin Ryudiger SHotlandiyaning Evro chempionatlari tarixidagi to'purarlari orasiga kirib oldi. SHu kungacha hech bir o'yinchi Evrolarda Ryudigerdan ko'proq gol urmagan.

SHotlandiya Evropa chempionatlarida kechagi avtogolni qo'shganda 6-golini urdi va ularni turli xil o'yinchilar kiritishgan.

SHotlandiyaning Evropa chempionatlari tarixidagi gollari mualliflari: Kallum Makgregor, Gari Makallister, Brayan Makkler, Alli Makkoyst, Pol Makstey, Antonio Ryudiger (avtogol).