Bugun Abdusattorov va Sindarov London turniridagi ishtirokini boshlaydi

Mukofot jamg'armasi 58 000 evroni tashkil qiluvchi WR Chess Masters turnirida dunyoning kuchli 16 nafar grossmeysteri bosh sovrin uchun bahs olib boradi. Ular orasida yosh grossmeysterlarimiz Nodirbek Abdusattorov va Javohir Sindarov ham bor.

Bugun birinchi bosqichda Nodirbek Abdusattorov turnirdagi yagona ayol shaxmatchi, SHveycariya sharafini himoya qilayotgan 12-Jahon chempioni Aleksandra Kostenyukka qarshi bahs olib boradi. Javohir Sindarov esa franciyalik Maksim Vashe-Lagrav bilan hisob-kitob qiladi. 

Qizig'i, agar ikkala shaxmatchimiz ham bugungi uchrashuvlarida g'alaba qozonishsa, 1/4 finalda o'zbek derbisiga guvoh bo'lamiz.   

Turnir ishtirokchilari: Nodirbek Abdusattorov, Javohir Sindarov (ikkisi ham O'zbekiston), Vishvanatan Anand, Arjun Erigaisi, Rameshbabu Praggnanandha, Raunak Sadvani, Vayshali Rameshbabu, Vidit Gujrathi (hammasi Hindiston), Bodhana SHivanandan, SHreyas Royal (ikkisi ham Angliya), Veselin Topalov (Bolgariya), Aleksandra Kostenyuk (SHveycariya), Maksim Vashe-Lagrav, Alireza Firuzja (ikkisi ham Franciya), Viktor Bolagan (Moldova), Parham Maqsudlu (Eron).