02 jan 09:51
Yangiliklar

Ot Sporti

Bugun "Amirsoy"da polo bo'yicha navbatdagi musobaqa o'tkaziladi

Teglar : Polo

Tashkil topganiga unchalik ko'p vaqt bo'lmagan O'zbekiston polo federaciyasi ushbu sport turini yurtimizda yanada ommalashtirish yo'lida navbatdagi dasturni yo'lga qo'ymoqda.

Bugun Toshkent viloyati Bo'stonliq tumanidagi “Amirsoy” dam olish maskanida polo bo'yicha navbatdagi o'rtoqlik o'yini bo'lib o'tadi.

Yurtdoshlarimizga bayramona kayfiyat ulashish hamda ular uchun ushbu sport turining o'ziga xos shiddatini ulashish maqsadida tashkil qilinayotgan bo'lajak bellashuv “Amirsoy” va “Universal jumping agro” jamoalari o'rtasida bo'lib o'tadi. CHavgon ustalari bahs oldidan o'z tulporlari va inventarlarini nazoratdan o'tkazib oldilar. Ayni paytda bellashuv bo'lib o'tadigan maydon sari yo'l olishmoqda. O'yin soat 11:00 da start oladi.

O'zbekiston polo federaciyasi barcha sport muxlislarini musobaqani bevosita tomosha qilish uchun «Amirsoy» dam olish maskaniga taklif etadi.