Bugun "Humo" 1/2 final doirasida "Beybaris"ga qarshi ikkinchi uy o'yinini o'tkazadi

Avval xabar berganimizdek, "Humo" jamoasi kecha Qozog'iston Ochiq chempionati pley-offining yarim final bosqichi doirasida "Beybaris"ga qarshi ilk o'yinda muzga chiqib, overtaymda 2:3 hisobida mag'lub bo'lgan edi. 

Bugun jamoamiz "Beybaris"ga qarshi ikkinchi uy o'yinini o'tkazadi. Mazkur uy uchrashuvi soat 17:00 da, poytaxtimizdagi "Humo Arena"da boshlanadi.

Kecha shuningdek, yarim finaldan o'rin olgan boshqa bir uchrashuv "Sariarka" - "Nomad" ikkinchi o'yini o'tkazilib, 4:3 hisobida overtaymda "Sariarka" g'alaba qozongan edi. Mazkur jamoalar o'rtasidagi o'yinlar seriyasida hisob hozircha 1:1.

"Humo"ning bugungi uchrashuvi Sport telekanali va YouTube platformasidagi InSportTV kanali orqali translyaciya qilinadi.