Bugun "Humo" 1/2 final doirasida "Beybaris"ga qarshi ilk uy o'yinini o'tkazadi

Xabaringiz bor, "Humo" bu yilgi mavsumni Qozog'iston Pro-Ligasida o'tkazmoqda. Jamoamiz Muntazam chempionatni 2-o'rinda yakunlab, pley-offning ilk bosqichida Rudniyning "Gornyak" jamoasini to'rt o'yin natijasiga ko'ra mag'lubiyatga uchratgan hamda 1/2 finalga yo'l olgan edi. 

Bugun jamoamiz 1/2 final bosqichida "Beybaris"ga qarshi o'yinlar seriyasini boshlaydi. Mazkur uy uchrashuvi soat 19:30da, poytaxtimizdagi "Humo Arena"da boshlanadi.

Takidlash joiz, bugun shuningdek yarim finaldan o'rin olgan yana bir uchrashuv — "Sariarka" - "Nomad" o'yini ham bo'lib o'tadi. Jamoalar o'rtasida kecha o'tkazilgan ilk uchrashuvda "Nomad" 4:2 hisobida g'alaba qozongan edi.

Uchrashuvlar YouTube platformasidagi InSportTV kanali orqali translyaciya qilinadi.