31 jan 12:16
Yangiliklar

Xokkey

Bugun "Humo" Astanada musobaqaning yaqqol austayderiga qarshi so'nggi o'yinini o'tkazadi

Bugun "Humo" xokkey jamoasi Astanada Qozog'istonning "Snejnye Barsy" klubiga qarshi ikkinchi safar uchrashuvida muzga chiqadi.

Uchrashuv soat 18:00 da Qozog'iston poytaxtida joylashgan "Barsy Arena"da boshlanadi. Jamoalar o'rtasida noyabr oyida o'tkazilgan ikki bahsning har ikkisida "Humo" g'alaba qozongan edi. Kecha "qanotlilar" mazkur jamoaga qarshi uchinchi o'yinda muzga chiqib, 5:0 hisobida g'olib bo'lishgan edi.

Ushbu o'yinda g'alaba qozonish orqali hamyurtlarimiz ikkinchi o'rinni yanada mustahkamlab olishlari mumkin. Bugungi o'yindan keyingi raqibimiz uchinchi o'rinda borayotgan "Nomad" jamoasi bo'ladi.

Bugun esa vakillarimiz "Snejnye Barsy"ga qarshi muzga ko'tariladi. Bu ikki jamoa o'rtasida mavsumdagi so'nggi o'yin bo'ladi.

O'yin YouTube platformasidagi InSportTV kanali orqali translyaciya qilinadi.