Bugun "Humo" "Beybaris"ga qarshi so'nggi o'yinda muzga chiqadi

Poytaxtimizda joylashgan "Humo Arena"da bo'lib o'tadigan uchrashuv kechagisi singari soat 19:00 da boshlanadi. Jamoalar o'rtasida sentyabr oyida bo'lib o'tgan ikki bahsning birinchisida (7:4) atirauliklar, ikkinchisida esa (2:5) toshkentliklar g'alaba qozonishgan edi. Kecha o'tkazilgan uchinchi bellashuvda esa "Beybaris" bullitlar seriyasida g'olib bo'lgan edi.

Malumot uchun, "Humo" ayni paytda 33 ta o'yindan so'ng 48 ochko jamg'argan holda musobaqa jadvalida 3-o'rinni egallab turibdi. "Beybaris" jamoasi ham 33 ta o'yin o'tkazgan va ayni damda 43 ochko bilan musobaqa jadvalining beshinchi pog'onasida bormoqda.