01 fev 11:41
Yangiliklar

Xokkey

Bugun "Humo" chempionat peshqadamlaridan birini qabul qiladi

Bugun Toshkentning "Humo" klubi Oliy xokkey ligasi (VXL) doirasidagi uy uchrashuvlari seriyasini boshlaydi.

Evgeniy Popixin shogirdlari turnir jadvalida 3-o'rinni egallab turgan Sankt-Peterburgning "Dinamo SPB" klubini qabul qilishadi. Bugungi o'yin oldidan "Humo" musobaqa jadvalida 55 ochko bilan 7-pog'onadan joy olgan. "Dinamo" hisobida roppa-rosa 80 ochko bor.

"Humo" - "Dinamo SPB" uchrashuvi soat 17:00da boshlanadi. Barcha xokkey muxlislarini poytaxtimizdagi muhtasham "Humo Arena"ga taklif etamiz. Zero, bugungi kuchli raqibga qarshi o'yinda muxlislarning qo'llab-quvvatlashi juda ham muhim.