Bugun "Humo" muntazam chempionat doirasida Toshkentdagi so'nggi o'yinini o'tkazadi

Uchrashuv soat 19:00 da poytaxtimizdagi "Humo Arena"da boshlanadi. Jamoalar o'rtasida oktyabr oyida o'tkazilgan ikki bahsning har ikkisida "Humo" g'alaba qozongan edi. Kecha "qanotlilar" mazkur jamoaga qarshi uchinchi o'yinda muzga chiqib, 3:0 hisobida g'olib bo'lishgan va musobaqa jadvalida 2-o'ringa ko'tarilib olishgan edi. 

Bugun esa "Almati"ga qarshi so'nggi o'yinini o'tkazadi. Ushbu o'yin pley-off bahslaridan avval, muntazam chempionat doirasida Toshkentdagi so'nggisi bo'ladi.

Ushbu o'yindan o'ng biz muz maydoniga o'yinchoqlar tashlash marosimini o'tkazamiz.

Barcha o'yinchoqlar “Ishonch” xayriya fondi yordamida nogiron va ehtiyojmand bolalarga hadya qilinadi. Sotilgan chiptalardan kelib tushgan mablag'larning barchasi Ezgu Amal xayriya fondi hisobiga o'tkaziladi. 

“Humo arena”ga tashrif buyuring, bolalarga birga yordam beramiz! Barcha xokkeyga, barcha “Humo” uchun!