Bugun "Humo" muntazam chempionat doirasidagi so'nggi o'yinini o'tkazadi

Uchrashuv Toshkent vaqti bilan soat 18:00 da Qozog'istonning Kokshetau shahrida joylashgan "Burabay" arenasida boshlanadi. Jamoalar o'rtasida dekabr oyida o'tkazilgan ikki bahsning birinchisida "Humo", ikkinchisida esa "Arlan" g'alaba qozongan edi.

Kecha o'tkazilgan uchinchi bahsda esa vakillarimiz bullitlar seriyasida 2:1 hisobidagi g'alabani rasmiylashtirishdi.

Qayd etish lozim, "Arlan" jamoasiga qarshi bugun bo'lib o'tadigan o'yin "qanotlilar" uchun muntazam chempionat doirasidagi so'nggi o'yin bo'ladi.

O'yin YouTube platformasidagi InSportTV kanali orqali translyaciya qilinadi.