Bugun "Humo" pley-off doirasida "Gornyak" jamoasiga qarshi ikkinchi uy o'yinini o'tkazadi

Xabaringiz bor, Toshkentning "Humo" xokkey klubi bu yilgi mavsumni Qozog'iston Pro-Ligasida o'tkazmoqda.

Jamoamiz muntazam chempionatni 2-o'rinda yakunlagan edi. Kecha xokkeychilarimiz musobaqa pley-offining chorak finali doirasida "Gornyak" jamoasiga qarshi ilk uy o'yinida muzga chiqib, g'alaba qozondi. Bugun "qanotlilar" "Gornyak" jamoasiga qarshi ikkinchi uy o'yinini o'tkazadi. O'yin soat 19:30 da, poytaxtimizdagi "Humo Arena"da boshlanadi.

Uchrashuv YouTube platformasidagi InSportTV kanali orqali translyaciya qilinadi.