Bugun "Humo" pley-off doirasida "Gornyak" jamoasiga qarshi to'rtinchi o'yinini o'tkazadi

Xabaringiz bor, "Humo" bu yilgi mavsumni Qozog'iston Pro-Ligasida o'tkazmoqda. Jamoamiz muntazam chempionatni 2-o'rinda yakunlagan edi. 

Ayni paytda "Humo" musobaqaning pley-off bosqichida o'yinlar o'tkazmoqda. 1/4 final bosqichida jamoamiz "Gornyak" bilan hisob-kitob qilmoqda. Hozircha mazkur qarama-qarshilik doirasida Toshkentda ikkita va Rudniy shahrida bitta o'yin bo'lib o'tdi va ushbu o'yinlarning har uchchalasida ham "Humo" g'alabaga erishdi. 

Bugun "qanotlilar" "Gornyak" jamoasiga qarshi to'rtinchi o'yinini o'tkazadi. Mazkur safar o'yini Toshkent vaqti bilan soat 18:00 da, Rudniydagi "Gornyak Arena"da boshlanadi.

Takidlash joiz, "qanotlilar" ushbu o'yinda g'alaba qozonishgan taqdirda, yarim finalga yo'l olishadi.

Uchrashuv YouTube platformasidagi InSportTV kanali orqali translyaciya qilinadi.