Bugun "Humo" pley-off doirasida "Gornyak"ka qarshi uchinchi o'yinini o'tkazadi

Xabaringiz bor, Toshkentning "Humo" xokkey klubi bu yilgi mavsumni Qozog'iston Pro-Ligasida o'tkazmoqda.

Jamoamiz muntazam chempionatni 2-o'rinda yakunlagan edi. Ayni paytda "Humo" musobaqaning pley-off bosqichida o'yinlar o'tkazmoqda. 1/4 final bosqichida jamoamiz "Gornyak" bilan hisob-kitob qilmoqda. Hozircha mazkur qarama-qarshilik doirasida Toshkentda ikkita o'yin bo'lib o'tdi va ushbu o'yinlarning har ikkisida ham "Humo" g'alabaga erishdi. 

Bugun "qanotlilar" "Gornyak" jamoasiga qarshi uchinchi o'yinini o'tkazadi. Mazkur safar o'yini Toshkent vaqti bilan soat 18:00 da, Rudniydagi "Gornyak Arena"da boshlanadi.

Uchrashuv YouTube platformasidagi InSportTV kanali orqali translyaciya qilinadi.