Bugun "Humo" Toshkentda "Beybaris"ga qarshi beshinchi o'yinini o'tkazadi. Bu final uchun so'nggi o'yin bo'lishi mumkin!

Xokkey bo'yicha Toshkentning "Humo" jamoasi 17 mart kuni Qozog'iston Ochiq chempionati pley-offining yarim final bosqichi doirasida "Beybaris"ga qarshi to'rtinchi o'yinda muzga chiqib, 3:2 hisobida g'olib bo'lgan edi. Ushbu g'alaba orqali jamoamiz seriyadagi hisobni 3:1 ga etkazgandi.

Bugun "qanotlilar" Toshkentda "Beybaris"ga qarshi beshinchi o'yinini o'tkazishadi. G'alaba qozongan taqdirimizda finalga yo'l olamiz. Bugungi uchrashuv soat 17:00 da, poytaxtimizdagi "Humo Arena"da boshlanadi.

SHuningdek, 1/2 finaldan o'rin olgan boshqa bir juftlik —"Sariarka" hamda "Nomad" jamoalari o'rtasidagi seriyada hisob 1:4 ko'rinishida "Nomad" foydasiga yakunlandi va jamoa finalga yo'l oldi.

"Humo"ning bugungi uchrashuvi YouTube platformasidagi InSportTV kanali orqali translyaciya qilinadi.